Антимонополия: Ўзбекистонда 10-15 кунда бензин нархи тушади

17.11.2021 10:54

Арзон нархдаги бензинни сунъий равишда аннуляция қилиш аломатлари аниқлангани маълум қилинди.

Бу ҳақда АОКАда бўлган матбуот анжуманида Монополияга қарши курашиш қўмитаси раиси ўринбосари Фаррух Карабаев маълум қилди.

Унда маълум қилинишича, 10-15 кунда бензин нархи ўзгариши кутилмоқда.

“Қаерда бозор механизмлари асосида табиий ўсишга эришилган бўлса, биз унга таъсир кўрсата олмаймиз. Лекин сунъий равишда юзага келтирилган, келишиб қилинган, манипуляция ҳаракатларига таъсир кўрсатиш мумкин. Бензин нархи ошишида ҳам манипуляция ҳолатлари, арзон нархдаги бензинни сунъий равишда аннуляция қилиш аломатлари аниқланди.

Бензин нархини барқарорлаштириш, тушириш бўйича ҳаракатлар давом этяпти, бу вақт талаб қиладиган масала. Лекин яқин кунларда нархларда ўзгариш бўлади”, - деди Карабаев.

Ҳозирда бозорни тўйинтириш, арзон нархлар асосида кичик харидорларга имконият бериш масаласига эътибор қаратилаётгани айтилди.

@rost24_uz_bot — Хабар йўлланг. Сизнинг хоҳишингизга кўра ҳар қандай маълумот сир сақланади
0
Изоҳ қолдириш
Изоҳлар
18.11.2021 17:49
Албатта бу дунё ўткинчи. Чин дунёда ҳар бир қилган яхши амали учун ҳам, ёмон амали учун ҳам одамзот ўзи учун ўзи жавоб беради. Харомхўрми,бошқами. Фарзандларини ҳаром луқма билан боқса жабрини эртага ўзи тортади. Бу факт. Фақат ҳақиқатда шу тўймасларнинг қилган ёмон амаллари натижасида халқ қийналади холос, шуниси ачинарли....
17.11.2021 13:48
оддий халкни кийнаверинглар одамларни алдаб суний равишда нарх навони кутарган харомхурлар дастурхонида кандай оминга кул кутаришаркан а уларни болалари хам харом еб ичиб катта булишаяптими келажакда харомхурларни болалари ким булишади,харомхурларни умурбод камаш керак