Москвада яна тўрт нафар ўзбекистонлик ёнғинда ёниб ҳалок бўлди

15.11.2021 08:41

13 ноябрь куни Москва вилоятининг Солнечногорск шаҳарчаси Прибрежная кўчасида жойлашган қурувчиларнинг вақтинча турар жойида ёнғин юз берди.

Ташқи меҳнат миграцияси агентлигининг Москва шаҳридаги ваколатхонаси ЎзАга ҳодиса ҳақида маълумот берди.

Унга кўра, ёнғин оқибатида ўша ерда яшаб келган мигрантлардан 4 нафари ҳалок бўлган, 2 нафари эса жароҳат олган. Уларнинг барчаси Ўзбекистон фуқароларидир.

Вафот этганлар шахсига аниқлик киритилган. Улар - Отақулов Шокир Ўроқбоевич (1969 й.т), унинг ўғли Ўроқбоев Элдор (1998 й.т), Кубаев Шерали (1987 й.т) ва Раҳматов Алишер (1998 й.т) экани аниқланган.

Ҳозирда вафот этган юртдошларимиз жасадларини Ўзбекистонга қайтариш чоралари кўрилмоқда.

Ёнғиндан жабрланган икки нафар юртдошимиз Солнечногорск марказий касалхонасига ётқизилган.

Ташқи меҳнат миграцияси агентлигининг Москва шаҳридаги ваколатхонаси ҳодиса юзасидан Россия Фавқулодда вазиятлар вазирлиги билан алоқа ўрнатган. Ёнғин сабаблари ўрганилмоқда. Ҳодиса юзасидан тергов ҳаракатлари олиб борилмоқда.

Россия Федерацияси Фавқулодда вазиятлар вазирлигининг Москва яқинидаги бош бошқармаси матбуот хизмати хабарига кўра, ёнғин Москва вақти билан 10:27 да бошланган, 15:40 да тўлиқ ўчирилган.

Тег: Россия мигрант ўлим Ёшлар ишчи

@rost24_uz_bot — Хабар йўлланг. Сизнинг хоҳишингизга кўра ҳар қандай маълумот сир сақланади

Изоҳ қолдириш

Изоҳлар

17.11.2021 03:26

Mani turmish ortogim ham oshayerda ishlab yuribdi ollohimga shukir yongin payti ishda ekanlar 🤲🤲🤲

16.11.2021 00:53

Мени углим Тошкент юридик университетни битириб иш топа олмаяпти. Бормаган эшигимиз колмади. Олий маьлумотли юристга иш йукку. Оддий халкка канака иш булсин. Канчадан канча давлатга контракт пул лар тулаб, 4 йил укиб мана энди иш йук.каекка борсангиз таниш билишчилик ва уруг аймокчилик.каекка борсангиз узимиз чакирамиз деб телефон ракам олишиб, чакиришдан дарак йук. Прокурор судья хокимларни болларига иш бор. Эх эссиз шунча пул сафлаб,кредит олиб процентга кириб,карзга ботиб укитганларим. Лаьнатлар булсин, углим бечора каекка хам борсин.

15.11.2021 18:51

Ota~onamiz oddiy ishchi va uy bekasi bo'lsa ham ta'lim va tarbiya berdi, kasb~hunarga o'rgatib biz 9 farzandni ayni o'tish davrida o'stirdi, birontamiz xorijga ishga bormadik. Rizqimizni Vatanda topayapmiz

15.11.2021 18:43

Kim aybdor? O'zimiz, farzandlarimiz 4ta non topsa kuni o'tadi, deb 4000000ta nonning foydasini beradigan bilim olishiga to'sqinlik qilamiz, gap~gashtakka, choyxnaga va aroq bilan nosga, hatto buzuq ayollarga pul bor, ammo 1 ta kitobga pul yo'q

15.11.2021 14:10

Har bir o'zga yurtda yurgan fuqorolarimizni olloh o'zi asrasin .🤲🤲🤲🤲 Marhum yaqinlariga hamdartlik tilimiz