“ЙИЛ ТАНЛОВИ — 2021” ЭЪЛОН ҚИЛИНАДИ!

03.11.2021 08:07

Ўзбекистон журналистлари ва блогерлари, кенг жамоатчилик эътирофи асосида ўтказиладиган “ЙИЛ ТАНЛОВИ — 2021” анъанавий танлови эълон қилинади.

Маълумки, икки йилдан буён Ўзбекистон Миллий ахборот агентлиги томонидан “ЙИЛ ТАНЛОВИ” ўтказиб келинади. Жамоатчиликнинг эътибори, халқаро даражадаги эътирофлар мазкур танловнинг нуфузи йилдан йилга ошиб бораётганидан далолат беради.

Журналист ва блогерлар, кенг жамоатчилик эътирофи асосида ўтказиладиган анъанавий танловни эндиликда давлатдан мустақил бўлган ахборот воситаси томонидан ўтказиш таклиф этилмоқда.

Жорий йилги танловда нафақат йил давомида журналистлар ва жамоатчилик эътирофига сазовор бўлган давлат ва жамоат ташкилотлари фаолияти баҳоланади, балки аксинча, 2021 йилда ахборот беришда ёпиқ бўлган, журналистларнинг ахборот олиш ҳуқуқини турли йўллар билан чекловчи ҳамда энг кўп раддия берувчи вазирлик, ташкилотлар, жойларда аҳоли билан фаол ишламаган, халқнинг эътиборига сазовор бўлмаган мутасаддиларнинг фаолияти ҳам очиқ баҳоланади ва эълон қилинади.

Танлов лойиҳа муаллифлари бўлган rost24.uz ахборот портали жамоаси томонидан ташкил этилади.

“ЙИЛ ТАНЛОВИ — 2021” да қатнашиш, тақдирлаш маросимини муносиб ўтказишга ҳисса қўшиш истагида бўлганларни ҳамкорликка таклиф этамиз.

Мурожаат ва ҳамкорлик таклифлари учун: @rost24_uz_bot га ёзинг ёки (+99833) 939-00-82 га қўнғироқ қилинг.

Тег: Йил танлови сўровнома Танлов давлат вазирлик

@rost24_uz_bot — Хабар йўлланг. Сизнинг хоҳишингизга кўра ҳар қандай маълумот сир сақланади

Изоҳ қолдириш

Изоҳлар

12.11.2021 17:14

Халқ депутатлари Мирзо Улуғбек туман кенгаши депутатларидан Чориев Рузимурат Кунгратович - Тошкент ирригация ва қишлоқ хўжалигини механизациялаш муҳандислари институтининг Ёшлар билан ишлаш бўйича проректори, шунинг билан бирга фаол депутдир, у бугунги кунда энг долзарб таълим йўналишида олиб боган фаолияти натижасида, институт Республикамизда энг салоҳиятли Олийгоҳ сифатида эътироф этилди. Қолаверса депутат бўлиб сайланган 17 «МИНГЛОЛА» САЙЛОВ ОКРУГИДА болалар майдончаси ва маҳалла йўлакларини таъмирлаб берди. Халқ депутатлари Мирзо Улуғбек туман кенгаши депутатларидан Хайдарова Феруза Алимовна - Академик Я.Х.Тўрақулов номидаги Республика ихтисослаштирилган эндокринология илмий-амалий тиббиёт маркази директорининг даволаш ишлари бўйича ўринбосари - бош врачи лавозимида фаолият олиб бориши билан бирга Коронавирус Пандемия даврида ва ҳозирги кунда ҳам ушбу касалликни бартараф этиш борасида Республика Комиссия аъзоси сифатида фаолият олиб бориши билан бирга бир нечта Халқаро конференцияларда иштирок этиб, Мамлакамиз вилоятлари чекка қишлоқ беморларнинг хонадонларига ташриф буюриб муаммоларни жойида ҳал этишга ўз ҳиссасини қўшиб келмоқда. 10-Алпомиш сайлов округи депутати Ф. Алимовна ўзи сайланган округида ҳам фаолдир кам таъминланган ёлғиз кекса ва беморлар уларнинг доимий мижози, уларнинг соғлиғидан ташқари озиқ-овқат маҳсулотлари билан ҳам амалий кўмак бериб келади. Юқорида зикр этилган ушбу депутатларимиз ОАВ ларида ўз чиқишлари билан ҳам доимий фаол иштирок этиб келади. Р.Чориев ва Ф.Хайдаровалар олиб бораётган иш фаолиятида хозирги кундаги энг долзарб ва оғриқли нуқталарга қаратаётгани диққатга сазовордир ва ушбу ишларни ОАВ ва ижтимоий тармоқлар орқали ёритилган материаллари, чиқишлари мисолида кўришимиз мумкин. Мен ўз фаол депутатларимиздан бўлган Р.Чориев ва Ф.Хайдароваларга овоз бераман ва барчани уларга овоз беришга чорлаб қоламан.

03.11.2021 14:40

Xafa bo'llem, statyalarga kommentlarni 3-4 kundan so'ng chiqaropsizlar. Endi unaqamasde, akajonlar. Manda knopichniy tilpon bo'sa, basharabuk, instogrom, diligrom bo'masa, boshqalarga kamment yozolmasam