Чироқчидаги йирик харажатли тўй хайриями ёки чорвадорларни молларга емиш топиш муаммоси қийнамоқдами?
Ижтимоий тармоқларда тарқалган 6 мингта меҳмонга дастурхон ёзиб 1 тонна гўштдан овқат қилдирган тўйбоши – чўпон Асқар Рўзибоев билан rost24.uz мухбири боғланди.
Чўпоннинг айтишича, укасининг ўғилларига суннат тўй ва бобо ва момонинг улуғ ёшни қаршилагани муносабати билан халққа дастурхон ёзишни аввалдан ният қилган.
Тўйда жами 8 та қўй, 7 та ҳўкиз сўйилган.
Қашқадарё вилоятининг Чироқчи тумани, Айритом қишлоғи, “Ободон” маҳалласида таҳминан 23 минг аҳоли бор. Уларнинг барчаси тўйга айтилган, имкониятга қараб тахминан 6 минг киши тўйда меҳмон бўлган.
Rost24.uz мухбирининг "Маросимни кўпхарж бўлишга нима сабаб бўлди?", деган саволига “Бу йил қурғоқчил бўлди, молларга қишда емиш йўқ, нобуд қилгандан кўра халққа тарқатган яхши-ку”, дея жавоб берди чўпонлик билан шуғулланувчи Асқар Рўзибоев.
Қизиқ савол туғилади. Чорва молларига емиш топиш қишлоқларда шу қадар долзарб муаммоми?
2020 йил 29 январда чорвачилик тармоғини давлат томонидан қўллаб-қувватлашнинг қўшимча чора-тадбирлари тўғрисида қарор қабул қилинган эди. Бу қарор ҳаётга қанчалар татбиқ этилди. Нима учун чўпон ва чорвачилик билан шуғулланувчилар емиш топиш муаммоси хавфи туфайли молларини сўйиб юборишни афзал кўрмоқда.
УЗ
-middle.jpg)
