Мухтасар Тоҳирова Токиодаги Олимпиада ўйинларида қатнашиш учун иккита лицензияни қўлга киритган эди.
Март ойида 21 ёшга тўлган Мухтасар Тоҳирова учун бу биринчи Олимпия ўйинларидир. Ёш спортчи қизимиз 10 метрли пневматик милтиқдан ўқ отиш ва 50 метрдан 3 йўналишда ўқ отиш беллашувларида қатнашди.
У муносиб қатнашиб, Жанубий Корея, Франция, Индонезия, Япония, Чехия ва Ҳиндистон каби Осиё ва жаҳон чемпионатларининг етакчи спорт усталари, чемпионлари ва совриндорларини мағлуб этди.
Спортчимиз Олимпиада ўйинларида 100 та давлат вакиллари орасида 1155 очко тўплаб 30-ўринни эгаллади. Олимпиада ўйинларида бу фахрланса арзийдиган натижа ҳисобланади.
Афсуски, бу сафар медалларни қўлга киритишнинг иложи бўлмади, лекин бундай яхши натижалар келгусида Ўзбекистон медалларини кафолатлайди.
Ваҳоланки, ҳали ёш спортчимиз жаҳоннинг энг нуфузли мусобақасида тажриба орттириш имкониятига эга бўлди.
УЗ
