Ўзбекистонда йилларга ном бериш урф бўлган. Одатда йил номи кўп нарсани ўзгартирмайди. Аммо, кўпгина журналист ва нашрлар йил давомида йил номидан келиб чиқиб ижод қиладилар. Амалдорлар ҳам интервью бериш жараёнида ҳар бир маросим ёки янгиликни йил номи билан боғлаб гапиришга одатланган. Гўёки йилга ном берилмаса, тадбирга мавзу расмий нашрларга репортаж ва идораларга ҳисобот топилмай қоладиганга ўхшайди. Йил номи бизга нима беради? Умуман юртдошларимиз келаётган йилни қандай аташни истайди? Rost24.uz сайти бир неча таниқли инсонлардан 2021 йилни қандай номлаган бўлишларини сўради.
— 2021 - “Рақамли хизмат йили”. Рақамли технология ва ва рақамли хизмат қўшимча қиймат ярата оладиган аниқ даромадбоп иш. Бу йил пандемия сабаб ҳеч нарса қила олмадик.
— Мен йилларга ном берилишини ёқламайман. Бу советлардан қолган одат. Ном бермасдан ҳам фаровонлик йўлида қандайдир дастур қабул қилиниши мумкин. Йилга ном бериш тадбирбозликка олиб келади.
Шерзод Қудратхўжаев келаётган йилга эмас, охирлаётган йилга таъриф берди. У 2020 йилни энг оғир йиллардан бири бўлганига ишора қилиб Time журнали танловига қўшилди. Time журнали сўнгги сонида 2020 йилни энг ёмон йил (the worst year ever) сифатида эътироф этган эди.
— Йилни умуман номламаган бўлардим ёки “2021 – йилларга ном беришни тўхтатиш йили”, дея аталишини истардим.
“2021 — Адолат, адолат, адолат”
“2021 — Халқ манфаати, коррупцияга қарши кураш, газ ва электр билан таъминлаш йили!”
Шунингдек, ўз исмини айтишни истамаган депутат ва ёзувчилар 2021 йил номига бир нечта таклифлар билдиришди.
“2021 — Халқ ҳокимияти қарор топадиган йил”
“2021 — Раҳбарларни уйғотиш йили”
“2021 — Таълим ва тиббиётни тубдан ислоҳ қилиш йили”.
УЗ
-middle.jpg)