Алюминий идиш ишлаб чиқариш заводининг қурилиши бошланди

«Trade King» Ўзбекистон компанияси кенг турдаги ичимликлар учун алюминий идишлар ишлаб чиқаришга мўлжалланган Марказий Осиёдаги энг йирик қурилишлардан бирини бошлади. Мазкур заводда газли ва яхна ичимликлар, кофе ва бошқа турдаги турли маҳсулотлар учун мўлжалланган альюминий идишлар тайёрланади.

Корхонанинг йиллик ишлаб чиқариш қуввати 1 миллиард дона.

«KAN manufacturer Uzbekistan» номи остида фаолият юритадиган ушбу кенг қамровли лойиҳа нафақат маҳаллий бозорни, балки Марказий Осиёга давлатларига ҳам маҳсулот етказиб бериш имкониятига эга бўлади.

Тошкент шаҳрининг Бектемир туманида қад қўтарадиган ушбу заводнинг инвестиция қиймати 50 миллион АҚШ долларини ташкил этади.

Шунингдек, мазкур замонавий корхонада 240 нафар одам иш билан таъминланади.