Кечагина оммавий ахборот воситаларида қурилиш вазирининг қариндошларига алоқадор компания 431 млрд. сўмлик давлат буюртмасини олгани ҳақидаги маълумот тарқалди. Унга кўра, “Трест-12» компанияси Мустақиллик майдонидаги 431,5 млрд. сўмлик лойиҳа пудратчиси сифатида танланди. Компания таъсисчилари орасида қурилиш вазири Ботир Зокировнинг ўғли ва рафиқаси ҳам бор. Gazeta.uz га кўра, вазирликдаги қариндош-уруғчилик ҳолати биринчи марта эмас.
Вазирга алоқадор фирма 10 йил ичида 800 млн. доллардан ортиқ қийматдаги қурилиш-таъмирлаш ишларини бажарган. Улар орасида йирик давлат буюртмалари ҳам талайгина: Вазирлар Маҳкамаси, Сенат, Молия вазирлиги бинолари, «Бунёдкор» стадиони ва Ислом цивилизацияси маркази шулар жумласидан.
Антикоррупция агентлиги қурилиш вазирининг қариндошларига алоқадор компания фаолиятига кўз юмадими? Буни эса вақт кўрсатади.
УЗ
-middle.jpg)
