Берилган матндаги имло хатолари, тушиб қолган бўш жойлар (пробеллар) ва тиниш белгилари тўғриланди. Мазмунга умуман тегинилмади, фақатгина имло жиҳатдан мукаммал ҳолатга келтирилди.
Қуйида тўғриланган вариант:
Moody’s Ratings халқаро рейтинг агентлиги “Бизнесни ривожлантириш банки” АТБнинг узоқ муддатли депозит рейтингларини “B1” даражасидан “Ba3” даражасига оширди ҳамда рейтинг истиқболини “Ижобий”дан “Барқарор” даражага ўзгартирди.
Мазкур қарор Moody’s Ratings томонидан Ўзбекистон Республикасининг суверен рейтинглари яхшиланиши, мамлакатдаги операцион муҳитнинг мустаҳкамланиши ҳамда институционал ва сиёсий ислоҳотларнинг давом эттирилиши билан боғлиқ ҳолда қабул қилинди.
Рейтинг агентлиги маълумотларига кўра, Ўзбекистон банк сектори учун операцион муҳит яхшиланиб бормоқда. Бу банк назорати ва тартибга солиш тизимининг ривожланиши, иқтисодий ўсишнинг барқарор суръатлари ҳамда мамлакатнинг молиявий барқарорлиги билан изоҳланади.
Moody’s Ratings “Бизнесни ривожлантириш банки” АТБ рейтинги оширилишини банкнинг тўлов қобилияти ва ликвидлик кўрсаткичларини янада мустаҳкамлаш имкониятлари билан асослаган.
Агентлик баҳолашига кўра, банкнинг кредит портфели сифати сўнгги йилларда сезиларли яхшиланган ҳамда муаммоли кредитлар улуши кескин камайган. Бу корпоратив кредит портфелини тозалаш ва аввалги йиллардаги муаммоли активлар бўйича амалга оширилган чора-тадбирлар натижасидир.
Шунингдек, банк 2025 йил якуни бўйича 531 млрд сўм миқдорида соф фойда қайд этган, бу 2024 йилдаги салбий кўрсаткичларга нисбатан сезиларли ижобий натижани ифодалайди.
Moody’s Ratings “Бизнесни ривожлантириш банки” АТБнинг Ўзбекистон Республикаси ҳукумати томонидан тўлиқ қўллаб-қувватланиши эҳтимолини юқори деб баҳолаган. Бунга банкнинг 100 фоиз давлат улушида эканлиги ва кичик ҳамда ўрта бизнесни ривожлантириш соҳасида давлатнинг муҳим молиявий институти сифатидаги стратегик роли асос бўлган.
Рейтинг кўрсаткичларининг яхшиланиши “Бизнесни ривожлантириш банки” АТБнинг халқаро молия институтлари билан ҳамкорлигини янада кенгайтириш, ташқи молия бозорларига интеграциялашувини кучайтириш ҳамда мамлакат тадбиркорлари учун сифатли молиявий хизматлар имкониятларини оширишга хизмат қилади.
УЗ
