Илк тикув машиналари XIX аср бошларида саноат инқилоби даврида яратилди ва тўқимачилик соҳасида ҳақиқий бурилиш ясади. 1830 йилда француз ихтирочиси биринчи амалий тикув машинасини намойиш этган бўлса, кейинчалик америкалик Элиас Хоу ва Исак Зингер уни такомиллаштириб, оммавий ишлаб чиқаришга йўл очди.
Бугунги кунга келиб эса, жаҳон бозорида етакчи бўлиб келаётган, Хитойга тегишли бўлган "HIKARI" бренди остидаги тикув машиналар ўз технологиясини Ўзбекистонга ҳам олиб кирди.
Ушбу компания ишлаб чиқарган тикув машиналарининг тўлиқ тақдимоти Наманган шаҳрида бўлиб ўтди. Унда HIKARI компаниясининг энг янги инновацион маҳсулотлари INTECH дилерлик компанияси томонидан кенг жамоатчиликка тақдим этилди. Ушбу тақдимот нафақат соҳа мутахассислари, балки тикувчиликка қизиққан ёшлар, шаҳар аҳолиси ва тадбиркорлар учун ҳам катта қизиқиш уйғотди.
Тадбирда HIKARI компаниясининг асосчиси ва бош директори жаноб Ву шахсан иштирок этиб, янгиланган моделларнинг хусусиятлари ҳақида йиғилганларга маълумотлар берди.
Шунингдек, тақдимот маросимида Наманган, Андижон, Фарғона ва республиканинг бошқа ҳудудларидаги тикув фабрикалари раҳбарлари, механиклари ва наманганлик моҳир тикувчилар ҳам иштирок этишди.
Тақдимот давомида сунъий интеллект асосида ишловчи янги авлод тикув машиналари, энергия тежамкор технологиялар ва ишлаб чиқариш самарадорлигини оширувчи ечимлар намойиш этилди. Бир вақтнинг ўзида иштирокчилар маҳсулотларни бевосита синаб кўриш имконига эга бўлишди.
Тадбир доирасида иштирокчилар ўз омадларини синовдан ўтказиб, 3 нафар иштирокчи компаниянинг янги тикув машиналарини ютиб олди. Тадбир якунида кўплаб ҳамкорлик шартномалари имзоланди. Бу эса "HIKARI" компаниясининг Ўзбекистон бозорига кириб келиши ва маҳаллий ишлаб чиқарувчилар билан узоқ муддатли ҳамкорликни йўлга қўйишидан дарак беради.
УЗ
-middle.jpg)
-middle.jpg)
