2026 йил 1 мартдан бошлаб "Уч қаҳрамон" МЧЖ ўрнига метрополитен учун зарур инфраструктура объекти қурилиши бошланади. Бу ҳақда бугун Тошкент вилояти ҳокими Зойир Мирзаевнинг бозор ҳудудига ташрифида маълум қилинган.
Бозорнинг келгуси фаолияти қандай кечади?
Вилоят ҳокимлиги тадбиркорларнинг келгуси фаолиятлари учун савдо-саноат палатаси ва бошқа тегишли ташкилотлар билан ҳамкорликда ҳар томонлама ёрдам кўрсатишга, очиқ мулоқотга ҳар доим тайёрлигини билдирган.
Зарар кўрган савдогарлар ҳолати бўйича
Мазкур бозор 17 августдан фаолият кўрсатишни бошлайди. Ёнғин оқибатида жабрланган 165 та тадбиркорлик субъектлари фаолиятини давом эттиришлари учун бозор ҳудудида 63 та бўш турган дўконлар, 125 нафар тадбиркорлик субъектларига 2 ой муддатга ижара тўловисиз ажратиб берилган ва жойлаштирилган. 8 та тадбиркор рад жавобини бериб, фаолиятини давом эттирмаслигини маълум қилган. 4 та тадбиркор дўкон олиш истагини билдириб, мурожаат этмаган.
Дастлабки маълумотномага кўра, жамият ва фуқароларга жами 74 млрд зарар етган. Лекин расмийлар тақдим этган маълумотда жабрланган савдогарларга компенсация тўлаб бериш ҳақида ҳеч нарса айтилмаган. Аввалроқ, ёнғин бўйича жиноят иши қўзғатилгани ҳақида хабар берган эдик.
Ёнғин нимадан келиб чиққан эди?
Ёнғиннинг сабаби, бозорга киришда ўнг томонда жойлашган биринчи ва иккинчи дўконлар орасидан ўтган электр симларида юзага келган авария (ортиқча юкланиш, юқори ўтиш қаршилиги) дан деб тахмин қилинган. Шунингдек, ёнғин сабабини аниқлаш мақсадида Х.Сулаймонова номидаги экспертиза марказидан экспертлар, ёнғин институт ходимлари ва бошқа мутахассислар иштирокида ҳодиса жойи кўздан кечирилиб, олинган ашёвий далиллар юзасидан судга оид комплекс экспертиза тайинланган.
Маълумотларга кўра, Тошкент тумани ҳокимининг 2009 йил 17 апрелдаги 12-сонли қарорига асосан, "Метрополитен капитал қурилиш" УКга қарашли майдонда "Уч қаҳрамон ихтисослашган савдо мажмуаси" МЧЖ томонидан узоқ муддатли ижара асосида қурилган савдо павильонлари ва расталари вақтинчалик фойдаланишга қабул қилинган. Сўнгра 2011 йилда "Уч қаҳрамон ихтисослашган савдо мажмуаси" МЧЖга эгалик ҳуқуқи берилган ва давлат рўйхатидан ўтказилган.
УЗ
-middle.jpg)
