“Moody’s Ratings” халқаро рейтинг агентлиги “Бизнесни ривожлантириш банки” акциядорлик тижорат банкининг узоқ муддатли депозит рейтингларини B1 даражасида тасдиқлади, шунингдек, прогнозни “салбий”дан “барқарор”га ўзгартирди.
Ушбу қарор Moody’s агентлиги томонидан Ўзбекистон Республикасининг суверен рейтинг прогнозини “барқарор”дан “ижобий”га ўзгартирилиши натижасида қабул қилинган бўлиб, мамлакатда амалга оширилаётган иқтисодий ислоҳотлар ва давлат институтлари самарадорлигини оширишга қаратилган ҳаракатлар умумий молиявий муҳитга ижобий таъсир кўрсатаётганини акс эттиради.
Шунингдек, Moody’s рейтинг агентлиги томонидан, “Бизнесни ривожлантириш банки” АТБнинг узоқ муддатли рейтинглари банкнинг юқори ликвидлик захираси ҳамда ойирги йилда кузатилган капиталлашув даражасининг сезиларли ошиши рейтинг прогнозининг “барқарор” даражасида тасдиқланишига таъсир кўрсатгани таъкидланади.
Агентлик “Бизнесни ривожлантириш банки” АТБни ижтимоий жиҳатдан муҳим муассаса сифатида баҳолайди. Банк Ўзбекистон Республикаси ҳукумати томонидан кичик ва ўрта тадбиркорликни ривожлантириш, шу жумладан соғлом рақобатни қўллаб-қувватлаш, ҳудудий ривожланишни жадаллаштириш ва янги иш ўринлари яратиш мақсадида тузилган стратегик институт сифатида фаолият юритмоқда.
Агентлик томонидан рейтинг прогнозининг “барқарор” даражага кўтарилиши, банкнинг умумий молиявий ҳолатида муайян барқарорлик яралганини ва бизнес кўрсаткичлари устидан назорат сақланаётганини билдиради.
Батафсил маълумот учун расмий манба: Moody’s расмий пресс-релизи
Реклама ҳуқуқи асосида
УЗ
