«Ўзатом» агентлиги 2024 йил декабрь ойида Самарқандда бўлиб ўтган Атом энергетикасини ривожлантириш ва ундан фойдаланиш бўйича халқаро конференцияга 5,9 миллиард сўмдан ортиқ маблағ сарфлаган. Бу ҳақда давлат харидлари порталидаги маълумотларда келтирилган.
Шу тариқа, Ўзбекистон Президенти Администрациясига 100 фоиз тегишли бўлган «Интерфорум» ДУК «Ислом ҳамкорлик ташкилотига аъзо давлатларнинг барқарор ривожланишида атом энергетикасидан тинч мақсадларда фойдаланиш истиқболлари: халқаро ва миллий тажриба» мавзусидаги конференцияни ташкил этиш ва ўтказиш бўйича комплекс хизматларни тақдим этган. Конференция 5-декабрь куни ўтказилган бўлиб, уни ташкил этиш давлат бюджетига 4 миллиард сўмдан ортиққа тушган.
Бундан ташқари, 1,9 миллиард сўм «Samarkand Touristic Centre» МЧЖга сарфланган. 2024 йилнинг 4–6 декабрь кунлари расмийлар Самарқанддаги меҳмонхоналарда 1 тунда 4 кечагача тўхташган.
«Ўзатом» раҳбари Азим Аҳмедхўжаев 4,9 миллион сўмлик хонани ижарага олган.
МАГАТЭ раҳбари Рафаэль Мариано Гросси тунаган президент люкс хонаси нархи бир кеча учун 25 миллион сўмдан ортиқни ташкил этган.
Меҳмонхоналар бўйича тақсимот:
Hilton Garden Inn Sogd — 19 киши — 500 минг сўмдан 1 миллион сўмгача (1 кишига бир кеча учун);
Savitsky Plaza — 23 киши — 1 миллион сўмдан 1,2 миллион сўмгача (1 кишига бир кеча учун);
Hilton Samarkand Regency — 12 киши — 2 миллион сўмдан 7,5 миллион сўмгача (1 кишига бир кеча учун);
Silkroad by Minyoun — 9 киши — 1,7 миллион сўмдан 6,1 миллион сўмгача (1 кишига бир кеча учун).
Мажлис хоналарини ижарага олиш учун 578 миллион сўмдан ортиқ маблағ тўланган, 4–5 декабрь кунлари овқатланишни ташкил этиш 973 миллион сўмдан ортиқ, техник жиҳозлар ва қўшимча хизматлар учун эса 98 миллион сўмдан ортиқ маблағ сарфланган.
Бошқа йирик шартномалар:
«Ўзатом» агентлиги 27 та авиа чипта учун 301 миллион сўмдан ортиқ маблағ сарфлаган.
Шунингдек, 194 миллион сўм 4 та видеоролик тайёрлаш учун ажратилган. Мазкур шартнома «Сафаев Анвар Надирович» якка тартибдаги тадбиркор билан тузилган.
2024 йил апрель ойида «Ўзатом» «Атом энергетикасининг асослари» йўналишида ҳар бири 74 соатлик бўлган учта ўқув гуруҳи учун курслар ташкил этишга 126 миллион сўм сарфлаган.
Курслар Москва давлат техника университети ўқитувчиларини жалб қилган ҳолда ўтказилган. Радиатсиявий хавфсизликни давлат томонидан тартибга солиш мавзусида тингловчиларга, масалан, Беларусь тажрибаси тақдим этилган.
Тингловчилар орасида «Ўзатом»нинг бош мутахассиси, ўқитувчилар, муҳандислар ва бошқалар бўлган.
2025 йил 26 март куни Ўзбекистон ва Россия Федерацияси катта қувватли атом электр станцияси қуриш лойиҳаси истиқболларини муҳокама қилгани маълум бўлди. Маълумот учун, «Ўзатом» — атом энергетикасини ривожлантириш агентлиги 2018 йил 19 июлда ташкил этилган. Агентликнинг асосий вазифалари ва фаолият йўналишлари мамлакатда атом энергетикасини ривожлантиришга оид давлат дастурларини ишлаб чиқиш ва амалга оширишни ўз ичига олади.
Дана Опарина
УЗ
-middle.jpg)
