Сўнгги 20 йил ичида бедарак йўқолганлар сони энг юқори кўрсаткичга эришди. Бу ҳақда БМТнинг Инсон ҳуқуқлари бўйича олий комиссари Фолкер Тюрк Бош ассамблеяда “Бедарак йўқолганлар” мавзусини муҳокама қилиш доирасидаги нутқида маълум қилди.
“Сўнгги 45 йил ичида Мажбурий ва ғайриихтиёрий йўқолишлар бўйича ишчи гуруҳ 115 та давлатда 62 мингдан ортиқ мажбурий йўқолиш ҳолатларини аниқлади. Афсуски, бу жуда катта муаммонинг фақат кўриниб турган қисмидир”, дейди Тюрк.
Тюрк 2024 йилда Халқаро Қизил Хоч қўмитаси сўнгги йиллардаги энг юқори кўрсаткич — 56 559 та янги йўқолиш ҳолатини қайд этганини таъкидлади. Урушлар, қатағонлар ва одам савдоси йўқолиб қолиш ҳолатларининг кўпайишига сабаб бўлмоқда.
Тюрк бедарак йўқолганларнинг оилалари кўп йиллар давомида изланишлар олиб боргани ва уларга босим ўтказилаётганига эътибор қаратиб, давлатларни инсон ҳуқуқлари бўйича халқаро мажбуриятларини бажаришга чақирди. Шунингдек, адолат ва жавобгарлик масаласининг муҳимлигини таъкидлаб, давлатлар бедарак йўқолганларнинг тақдирини текшириш ва масъул шахсларни одил судловга тортиш чораларини кўриши кераклигини қўшимча қилди.
УЗ
-middle.jpg)