“Педагог ходимнинг мақоми тўғрисида”ги қонун лойиҳаси ишлаб чиқилди

28.11.2020 15:00

Қонун лойиҳасида қуйидагилар таклиф этилмоқда: 

педагог ходимларнинг шаъни, қадр-қимматини ҳимоя қилиш масаласида ҳамда мансабдор шахсларнинг хатти-ҳаракатлари устидан судга мурожаат қилганида давлат божини тўлашдан озод этиш; 

педагог ходимни лавозим мажбурияти ва касбий фаолияти билан боғлиқ бўлмаган ишларга, йиғилишлар ва бошқа тадбирларга жалб қилишни тақиқлаш; 

педагог ходимга умумий белгиланган ёшдан беш йилга қисқартирилган ҳолда имтиёзли пенсия олиш ҳуқуқини тақдим қилиш; 

педагог ходим томонидан уй-жой ва автотранспорт воситасини харид қилиш учун унинг ойлик иш ҳақидан йўналтириладиган маблағларни даромад солиғидан озод этиш; 

педагог ходимга эллик олти иш кунидан иборат йиллик ҳақ тўланадиган узайтирилган таътил, шунингдек, таътил берилганида, календарь йилида бир марта базавий лавозим маоши миқдорида соғлиғини тиклаш учун моддий ёрдам бериш; 

педагог ходимнинг базавий лавозим маошининг энг кам миқдорини белгилаш ва кўп йиллик хизмати учун устама тўлаш тизимини жорий этиш; 

педагог ходимни касбий фаолияти давомида юқумли касалликларга қарши бепул профилактик эмлаш; 

олий маълумотга эга бўлмаган, аммо таълим ташкилотларида камида беш йил иш стажига эга педагог ходимларни олий таълим муассасаларига педагогика йўналиши бўйича имтиёзли асосда ўқишга қабул қилиш.

Қонун лойиҳаси Ягона интерактив давлат хизматлари порталига жамоатчилик муҳокамаси ўтказилиши учун жойлаштирилди (https://regulation.gov.uz/uz/d/25127).

Адлия вазирлиги ушбу лойиҳа юзасидан фикр-мулоҳаза ва таклифлар билдириш мумкинлигини маълум қилди.

@rost24_uz_bot — Хабар йўлланг. Сизнинг хоҳишингизга кўра ҳар қандай маълумот сир сақланади
3
Изоҳ қолдириш
Изоҳлар
13.12.2021 00:42
Конун лойихаси качон тасдикланади?
27.03.2021 04:00
50 55 йошда нафака белгиланг битирувчи йошларга иш урин яратайлик нафакадагиларга жавоб берайлик