296 АҚШ долларидан 1 356 АҚШ долларигача: Пойтахтдаги ижара бозорида вазият қандай?

Ўзбекистон Республикаси Вазирлар Маҳкамаси ҳузуридаги Макроиқтисодий ва ҳудудий тадқиқотлар институти (МҲТИ) мутахассислари томонидан 2024 йилнинг декабрь ойида Тошкент шаҳрида уй-жойлар учун ўртача ижара нархлари таҳлил қилинди. 

Мазкур даврда пойтахтда ўртача таъмирланган хонадонлар учун ўртача ижара нархлари ноябр ойига нисбатан 0,9 фоизга пасайган бўлса,  тўлиқ таъмирланган хонадонлар учун ўртача нархлар 0,7 фоизга кўтарилди.

Ўртача таъмирланган уй-жойлар ижараси

2024 йилнинг декабрь ойида ўртача таъмирланган 1 хонали хонадонлар учун ўртача ижара нархи ноябр ойига нисбатан 0,7 фоизга, 2 хоналилар учун 0,4 фоизга, 3 хоналилар учун 1,3 фоизга ҳамда 4 хонали хонадонлар учун 0,8 фоизга тушди.

Ўртача таъмирланган хонадонлар учун нисбатан арзон ижара нархлари: 
- Сергели (1 хонали - 296 АҚШ доллари, 2 хонали – 345 АҚШ доллари, 3 хонали – 414 АҚШ доллари, 4 хонали - 451 АҚШ доллари); 
- Олмазор (1 хонали – 286 АҚШ доллари, 2 хонали – 353 АҚШ доллари, 3 хонали – 426 АҚШ доллари, 4 хонали – 457 АҚШ доллари) туманларида таклиф этилган бўлса, 
нисбатан қиммат ижара нархлари: 
- Миробод (1 хонали – 374 АҚШ доллари, 2 хонали – 510 АҚШ доллари, 3 хонали – 634 АҚШ доллари, 4 хонали – 800 АҚШ доллари); 
- Яккасарой (1 хонали – 380 АҚШ доллари, 2 хонали – 521 АҚШ доллари, 3 хонали – 667 АҚШ доллари, 4 хонали – 733 АҚШ доллари) туманларида кузатилди.

Тўлиқ таъмирланган уй-жойлар ижараси

Мазкур даврда тўлиқ таъмирланган 1 хонали  (0,7 фоизга) ва 2 хонали (1,1 фоизга) хонадонлар ўртача ижара нархлари тушган бўлса,  3 хонали (0,9 фоизга) ҳамда 4 хонали (3,8 фоизга) хонадонлар ўртача ижара нархлари ошди. 

Тўлиқ таъмирланган уй-жойларнинг нисбатан арзон ижара нархлари: 
- Сергели (1 хонали – 321 АҚШ доллари, 2 хонали – 415 АҚШ доллари, 3 хонали – 508 АҚШ доллари, 4 хонали – 613 АҚШ доллари); 
- Учтепа (1 хонали – 365 АҚШ доллари, 2 хонали – 453 АҚШ доллари, 3 хонали – 524 АҚШ доллари, 4 хонали – 644 АҚШ доллари) туманларида, 
нисбатан қиммат ижара нархлари: 
- Миробод (1 хонали – 486 АҚШ доллари, 2 хонали – 725 АҚШ доллари, 3 хонали – 1033 АҚШ доллари, 4 хонали – 1356 АҚШ доллари); 
- Шайхонтоҳур (1 хонали – 535 АҚШ доллари, 2 хонали – 735 АҚШ доллари, 3 хонали – 1104 АҚШ доллари, 4 хонали – 1303 АҚШ доллари) туманларида кузатилди.