Ғарблик мутахассислар «шерентинг» ҳодисаси, яъни ота-оналар ўз фарзандларининг суратларини интернетда тинимсиз жойлаш амалиётини болалар хавфсизлигига жиддий таҳдид солиши мумкинлигини таъкидлашмоқда.
Фарзандларингизнинг фотосуратларини ижтимоий тармоқларга жойлаштиришнинг яна бир хавфи шундаки, контекстдан ташқари фотосуратлар болаларга қарши ишлатилиши мумкин. Масалан, фарзандингиз улғайганда келажакда сиёсий лавозимларни эгаллаши мумкин бўлганда, унинг кулгили суратлари кутилмаганда ижтимоий тармоқларда пайдо бўлиши мумкин.
Нега фарзандингизни фотосуратларини ижтимоий тармоқларда жойламаслик керак?
Ғарб мутахассисининг фикрича:
оилавий фаровонлик ва бахтиёрлик акс этган фарзандларингизнинг фотосуратлари жиноятчилар эътиборини ҳам тортиши мумкин;
ота-оналар аккаунтида эълон қилинган суратлар "ўғирланиб", ғараз ниятли кимсалар (масалан, педофиллар) учун мўлжалланган ижтимоий тармоқлардаги каналларга жойланиши мумкин;
фарзандингиз ҳақида қўшимча илова қилинадиган маълумотлар эса фирибгарларга яхшигина "тузоқ" вазифасини ўташи мумкин.
Қолаверса, агар бола ёшлигиданоқ бошқаларнинг эътиборини жалб қилиш учун доимий равишда суратга тушса, келажакда у доимо ўз эҳтиёжлари ва истакларига эътибор беришдан кўра, ташқи розиликни излашга муҳтож бўлиши мумкин.
Шуни эсда тутиш керакки, ҳатто шахсий аккаунтлар ҳам тўлиқ хавфсизликни кафолатламайди, чунки жиноятчилар аккаунтни бузиши мумкин.
УЗ
-middle.jpg)
