«Давлат байроғи тўғрисида»ги қонунига ўзгартириш ва қўшимчалар киритиш таклифи Норматив-ҳуқуқий ҳужжатлар лойиҳалари муҳокамаси порталига жойлаштирилди.
Қонун билан, қуйдаги ҳолларда Давлат байроғига нисбатан ҳурматсизлик қилишга йўл қўйилмайди:
— Давлат байроғидан ва унинг тасвири туширилган белгилардан йиртилган, ифлосланган, тешилган, ранги оқарган ҳолда ва бошқа номақбул тарзда фойдаланишга;
— Давлат байроғидан бирор-бир нарса учун устки ёпинғич сифатида фойдаланишга, бундан жамият ва давлат арбоблари, ҳарбий хизматчилар дафн маросимларида фойдаланиш мустасно;
— Давлат байроғини столларга, ўриндиқларга, стулларга тўшашга ёки тасвирлашга ва ундан қоплама сифатида фойдаланишга, шунингдек ўтириладиган бошқа жойларга ёки оёқ остига тўшашга ёки тасвирлашга;
— Давлат байроғидан кийим-кечак, дастрўмол ёки кўрпа-тўшак сифатида, шунингдек буюмларни сақлаш ва ташиш учун фойдаланишга;
— Давлат байроғининг тасвири туширилган белгиларни пойабзал, дастрўмол, кўрпа-тўшак, ички кийим-кечакга, сочиқларга, қутиларга (ўровларга), бир марта фойдаланиш ва ташлаб юбориш учун мўлжалланган буюмларга босиб чиқаришга ёки унинг тасвирини бошқача тарзда туширишга;
— Давлат байроғидан ва унинг тасвири туширилган белгилардан одоб-аҳлоқ қоидалари ва жамиятда юриш-туриш қоидаларига зид равишда ёхуд уларни таҳқирлаш ҳисобланадиган бошқача тарзда фойдаланишга йўл қўйилмайди.
УЗ
-middle.jpg)