Rost24.uz сўрови: Мутасадди ташкилотлар 70 минглик сомса воқеасини текширдими?

02.08.2022 16:12

Ҳисоб палатаси: “бу бизнинг вазифа эмас”;

Антикоррупция: “…кўриб чиқилаётган бўлиши керак”;

Бош прокуратура: …(жавоб бермади, шунчаки кўз юмди).
 

Давлат органлари коррупцияни қўллаяпти(ми?)

Ўзбекистонда коррупциянинг олдини олишга қаратилган ўндан ортиқ ташкилот бор, аммо коррупцион вазиятларда улардан садо чиқмайди.

Жорий йилнинг март ойида Ташқи савдо ва инвестиция вазирлиги томонидан Тошкент Инвестиция форуми ўтказилди. Ушбу тадбирни ўтказиш учун давлат бюджетидан 1.5 млн. долларга яқин маблағ ажратилган. Бу ҳаражатларнинг сметаси ижтимоий тармоқларга сиздирилгач, катта шов-шувга сабаб бўлди. 70 минг сўмлик сомса, 50 минг сўмлик мантиларни энг эринчоқ аудитория ҳам муҳокама қилди.

Очиқланган ҳужжатларда харидларни амалга оширишда манфаатлар тўқнашуви рўй бергани ҳам маълум бўлди. Яъни, буюртмачига етказиб берувчи тадбиркорлик субъекти ҳукумат юқорисидаги шахсга тегишли бўлиб чиқмоқда. Бироқ, очиқланган ҳужжат ва далиллар юзасидан шу вақтгача биронта тегишли масъул ташкилотлар на ахборот берди ва на муносабат билдирди.

Rost24.uz Ташқи савдо ва инвестиция вазирлиги Форум харажатлари бўйича йўл қўйилган манфаатлар тўқнашуви ва нархлар қимматлиги юзасидан текширув ўтказилгани ёки чора кўрилгани бўйича сўров билан тегишли ташкилотларга мурожаат қилди.

Бош прокуратура: …(жавоб бермади, шунчаки кўз юмди)

Бош Прокуратура матбуот котибига Форум харажатлари юзасидан юборган саволларимизни очиқ қолдирилди.

Ҳисоб палатаси: “…бу бизнинг вазифа эмас”

Ўзбекистон Республикаси Ҳисоб палатаси Инвестиция форуми харажатлари ва ундаги коррупцион ҳолатни текширишга масъул эмаслигини маълум қилди, аммо қонунчиликда бунинг аксини кўрсатувчи моддалар мавжуд.

“Ўзбекистон Республикасининг Ҳисоб палатаси тўғрисида”ги Қонунга кўра, Ҳисоб палатаси ўзининг фаолиятини тасдиқланган назорат ишларининг йиллик дастури асосида олиб боради. Унда давлат дастурларининг ижроси ва уларнинг натижадорлиги, режалаштирилган давлат ресурсларининг мақсадли сарфланишини ўрганиш масалалари назарда тутилган. Яъни Ҳисоб палатаси форум ҳаражатларини назорат қилиш уларнинг вазифасига кирмаслигини тушунтирди. Демакки, палата ҳам форум ташкилотчиларига муносабат билдирмаган ва буни ўз вазифаси, деб билмайди.

Бироқ, Ҳисоб палатаси тўғрисидаги Қонунга кўра, Давлат харидлари тўғрисидаги қонунчилик талабларининг тўғри қўлланилиши устидан давлат назоратини амалга ошириш ҳам палатанинг вазифасига киради. Шунингдек, яна шу қонунда Ҳисоб палатасининг вазифаси сифатида давлат бошқарув органларида, шунингдек, устав фондида (устав капиталида) давлат улуши 50 фоиз ва ундан ортиқ бўлган муассаса ва ташкилотларда коррупцияга қарши курашиш бўйича ички назорат тизимини жорий қилишга, шунингдек, унинг самарали фаолият кўрсатишига доир чораларнинг амалга оширилиши устидан назорат қилиш ҳам киради.

Антикоррупция ҳақиқатан коррупцияга қаршими?

Коррупцияга қарши кураш агентлиги ходими тинимсиз саволларимиздан сўнг “…кўриб чиқилаётган бўлиши керак”, деган жавобни берди.

@rost24_uz_bot — Хабар йўлланг. Сизнинг хоҳишингизга кўра ҳар қандай маълумот сир сақланади
20
Изоҳ қолдириш
Изоҳлар
10.09.2022 12:23
Бизнинг давлатимиз демократик эмас, аллақачон коррупцион давлатга айланиб бўлган! Бундай катта фирибгарликлар барчаси оддий одамлар томонидан эмас, балки юқоридаги мулозимлар ёки уларнинг яқинлари томонидан қилинади! Буни ёш бола хам билади. Шунинг учун конституцияга йирик коррупционерлар учун албатта ўлим жазосини киритиш керак эди, афсуски, бу масалани хам коррупционерлар юқорида туриб ўзларини фойдасига хал қилишмоқда.
03.09.2022 05:57
Бу ташкилотлар пастки инстанцияларга ўрнак, наъмуна бўлиши керакку?! Бу амалдорлар мактаб ўқувчиси учун "идеал" бўлиши керакку ???!!! - Пастки инстанциялар ҳам худди шундай йўл тутишади. -Ўқувчилар учун "идеал".- даромад қилиш, давлат мулкини ўмариш бўйича. Ўқишнинг нима кераги бор.
21.08.2022 11:54
Murojaatlarga koz yumishayapti?.. Adliya nega jim?
21.08.2022 11:53
Prokuraturada ish kopdir-da. Man bir-ikki savol bergandim fuqaro sifatida, hammasiga javob berishdi. Rahmat buni uchun. Ammo (afsus) murojaatim IIb ga yonaltirildi. Oylaganimdek hech narsa xal bulmadi, urush-janjallar tugashigaa umid qilgandim battar buldi.
03.08.2022 10:27
Shuncha murojatga ko'z yumayotgan tashkilotlar jamoatchilik nazorati to'g'risidagi qonunni ham buzayapti nima endi bu bo'yicha axalq ko'tarilib chiqqandan keyin xarakat qiladimi yaramaslar xalqimizam 1.5 mln $ni indamay berib qo'yaveradi sharmandalar
02.08.2022 20:30
Somsa kimniki, manti kimniki , bunisini ham yozinglarba ROSTchilar!!!
02.08.2022 20:27
Hamma ishni boshida korrupsionerlar turganidan keyin korrupsiya gullab yashaydiga.
02.08.2022 19:06
Qirq tillo pora bergan javobgar qoziga qarab:"Qirqib -qirqib gapiring" desa, qozi yuz tillo pora bergan da'vogarga qarab:"Afsus, yuzidan oʻtolmayman",- debdi