Fitch Ratings reyting agentligi “Biznesni rivojlantirish banki” ATBning uzoq muddatli xorijiy va milliy valyutadagi majburiyatlari bo`yicha defolt reytinglarini “Barqaror” prognozini saqlagan holda “BB-” dan “BB” darajaga oshirdi.
Ushbu qaror 2025 yil 26 iyun kuni Fitch Ratings tomonidan O`zbekistonning suveren reytingi “BB” darajaga oshirilgani ortidan qabul qilindi. Shuningdek, agentlik tomonidan Biznesni rivojlantirish bankining kichik va o`rta biznesni qo`llab-quvvatlashda tayanch bank sifatidagi roli alohida e`tirof etilgan.
Shu bilan birga, reyting agentligi hisobotida bankning kapitallashuv darajasi ortganligi, aktivlari sifatidagi yaxshilanish darajasi hamda keyingi yillarda kredit portfelining sektor ko`rsatkichlariga nisbatan yuqoriroq suratda o`sish salohiyati qayd qilingan.
Bank ipoteka kreditlari bo`yicha sektorda mustahkam pozisiyaga ega (sektor ipoteka portfelining 15% bank hissasiga to`g`ri keladi). Shu bilan birga, kichik va o`rta biznes uchun yo`naltirilgan kreditlar bank portfelining 48%ini tashkil qilishi ham agentlik hisobotida qayd etilgan.
Bank reytingining yaxshilanishi kelgusida xalqaro hamkorlar bilan olib borilayotgan transformasiya jarayonlarini izchil davom ettirish hamda xalqaro kapital bozoriga faol integrasiyalashuvini ta`minlaydi, shuningdek, mamlakatning biznes vakillari uchun qulay shartlarda yuqori sifatli moliyaviy xizmatlarni taqdim etish imkoniyatlarini kengaytiradi.
Reklama huquqi asosida
УЗ
-middle.jpg)
