"Biznesni rivojlantirish banki" biznes uchun qulay innovasion bank bo`lishga intilmoqda

Shahrisabz tumanida “Iqtisodiy rivojlanish va raqobatbardoshlikni oshirishda kichik va o`rta biznes imkoniyatlarini kengaytirish” mavzusida bo`lib  o`tgan  xalqaro konferensiya doirasida “Biznesni rivojlantirish banki” ATB tomonidan taqdimotlar o`tkazildi. 

Bank tashkil etgan  “Kichik va o`rta biznesning imkoniyatlarini oshirishda Biznesni rivojlantirish bankining tashabbuslari” nomli davra suhbatida “Kichik biznesni uzluksiz qo`llab-quvvatlash” dasturi ijrosi bo`yicha erishilayotgan natijalar haqida axborot berildi. Qayd etildiki, bank mazkur Dasturning asosiy tayanch banki sifatida tadbirkorlikni kengaytirish, xududlarda yangi ish o`rinlari yaratish va aholi daromadlarini oshirishga qaratilgan biznes loyihalarni faol moliyalashtirib kelmoqda. Bank tadbirkorlar uchun  qulay shartlarda mahsulotlar va xizmatlarni joriy etmoqda. 
Tadbirlar  davomida  ishtirokchilar bankning  “Tadbirkorga qulay bank” konsepsiyasi bilan tanishtirildi. 

"Biznesni rivojlantirish banki"  ATB  Boshqaruvi raisining birinchi o`rinbosari Shahzod Yusupov bank ilg`or  echimlar beruvchi, biznes uchun qulay innovasion bank bo`lishga intilayotganini ta`kidladi.  Muloqotlarda  ishtirok etgan Jahon banki, Osiyo taraqqiyot banki, Yaponiyaning Yamagata universiteti vakillari bankning biznes rivojidagi o`rni va  hissasini alohida e`tirof   etishdi. 

Shuningdek, mijozlar bank moliyaviy ko`magida muvaffaqiyatli tatbiq etilayotgan loyihalari va amaliy  tajribalari  haqida so`zlab berdilar. 

Tadbirlarda xalqaro moliyaviy institutlari, tadbirkorlar bilan biznesni qo`llab-quvvatlashga doir yangi tashabbuslar va echimlar haqida o`zaro fikr almashildi.