So`nggi 20 yil ichida bedarak yo`qolganlar soni eng yuqori ko`rsatkichga erishdi. Bu haqda BMTning Inson huquqlari bo`yicha oliy komissari Folker Tyurk Bosh assambleyada “Bedarak yo`qolganlar” mavzusini muhokama qilish doirasidagi nutqida ma`lum qildi.
“So`nggi 45 yil ichida Majburiy va g`ayriixtiyoriy yo`qolishlar bo`yicha ishchi guruh 115 ta davlatda 62 mingdan ortiq majburiy yo`qolish holatlarini aniqladi. Afsuski, bu juda katta muammoning faqat ko`rinib turgan qismidir”, deydi Tyurk.
Tyurk 2024 yilda Xalqaro Qizil Xoch qo`mitasi so`nggi yillardagi eng yuqori ko`rsatkich — 56 559 ta yangi yo`qolish holatini qayd etganini ta`kidladi. Urushlar, qatag`onlar va odam savdosi yo`qolib qolish holatlarining ko`payishiga sabab bo`lmoqda.
Tyurk bedarak yo`qolganlarning oilalari ko`p yillar davomida izlanishlar olib borgani va ularga bosim o`tkazilayotganiga e`tibor qaratib, davlatlarni inson huquqlari bo`yicha xalqaro majburiyatlarini bajarishga chaqirdi. Shuningdek, adolat va javobgarlik masalasining muhimligini ta`kidlab, davlatlar bedarak yo`qolganlarning taqdirini tekshirish va mas`ul shaxslarni odil sudlovga tortish choralarini ko`rishi kerakligini qo`shimcha qildi.
УЗ
-middle.jpg)