Er va kadastrga oid huquqbuzarlik sodir etgan 37 185 ta shaxsga nisbatan ma`muriy jazo choralari qo`llanildi. Bu haqda AOKAda o`tkazilgan brifingda Kadastr agentligi axborot xizmati rahbari Ne`mat Atamuratov ma`lum qildi.
Er va ko`chmas mulklarni hisobga olish yo`nalishi
Bugungi kunda respublikaning jami 44,9 mln gektar er maydonidan 42,3 mln gektari yoki 94 foizi “UZKAD” tizimida elektron xaritasi yaratilib, 41,8 mln gektari davlat ro`yxatidan o`tkazildi. Avval hisobga olinmagan 181,7 mingta yangi ob`ekt va 2,3 mingta ob`ektda qo`shimcha qurilmalar kadastr bazasida hisobga olinishi natijasida, byudjetga 155,8 mlrd so`m qo`shimcha soliq hisoblandi.
Ko`chmas mulk ob`ektlari to`g`risida
Respublikaning jami ko`chmas mulk ob`ektlari soni 8,5 mlntani tashkil etib, joriy yil boshiga nisbatan 189 mingtaga oshgan. Shundan:
– yakka tartibdagi turar joylar 6,3 mlnta;
– noturar joylar 687,7 mingta;
– ko`p qavatli uylardagi kvartiralar 1,6 mlntani tashkil etadi.
Jismoniy shaxslarning jami ko`chmas mulk ob`ektlari soni 8,1 mlntani tashkil etib, yil boshiga nisbatan 109,9 mingtaga oshgan Jumladan:
– yakka tartibdagi turar joylar 6,2 mlnta;
– noturar joylar 367,6 mingta;
– ko`p qavatli uylardagi kvartiralar 1,5 mlnta.
Yuridik shaxslarga tegishli ko`chmas mulk ob`ektlari soni 421,5 mingtani tashkil etib, yil boshiga nisbatan 79,1 mingtaga oshgan.
Bugungi kunda respublikadagi jami ko`chmas mulk ob`ektlarining 5,8 mlntasi davlat ro`yxatidan o`tkazilgan.
Er va kadastr nazorati yo`nalishi
Amalga oshirilgan er va kadastr nazorati tadbirlari natijasida 61 410 ta holatda 8 135 gektar erlarni o`zboshimchalik bilan egallab olish bo`yicha huquqbuzarliklar aniqlanib, berilgan yozma ko`rsatmalar asosida 37 547 ta holatda 4 055 gektar yoki 61 foiz er qonunbuzilish holatlari ixtiyoriy ravishda bartaraf etildi.
Er uchastkalarini qaytarish va ularda qurilgan imoratlarni buzdirish bo`yicha sudlarga 19 723 ta holatda 3 469,7 gektar da`vo arizalar kiritildi. Er va kadastrga oid huquqbuzarlik sodir etgan 37 185 ta shaxslarga nisbatan ma`muriy jazo choralari qo`llanildi.
УЗ
