Vazirlar Mahkamasining 2024 yil 30-maydagi 345-F son farmoyishiga ko`ra, hukumat tomonidan “Butunjahon yoshlar festivali” ishtirokchilari uchun transport vositalari ajratilgan edi. Shunga qaramay, Yoshlar ishlari agentligi qo`shimcha transport xizmatlarini jalb qilish uchun 301 million 560 ming so`mlik shartnoma tuzgan.
Ushbu shartnoma 2024 yil 9 oktyabr kuni Toshkent shahar Yoshlar ishlari boshqarmasi va “CITY TEOUR” MChJ o`rtasida “Butunjahon yoshlar festivali ishtirokchilariga transport xizmatlarini ko`rsatish” yuzasidan tuzilgan. Shartnomaga ko`ra, xizmatlar 2024 yil 23 iyundan 1 iyulgacha bo`lgan davrda amalga oshirilishi lozim bo`lgan. Biroq, mazkur davlat xaridi bilan bog`liq bir qancha bahsli jihatlar paydo bo`lmoqda.
Birinchi: shartnomada ko`rsatilgan xizmatlar boshlangan sana — 23 iyun. Biroq, “CITY TEOUR” MChJ esa 2024 yil 24 iyun kuni davlat ro`yxatiga olingan. Ya`ni, yuridik shaxs sifatida mavjud bo`lmagan korxona xizmat ko`rsatgan.
Ikkinchi: shartnomaga asos sifatida ko`rsatilgan Toshkent shahar Yoshlar ishlari boshqarmasi boshlig`ining buyrug`i 2024 yil 26 iyunyu kuni imzolangan. Ammo xizmatlar ushbu buyruq qabul qilinishidan avval boshlangani ko`rsatilgan.
УЗ
