Ички ишлар вакиллари орасида ҳимоя ордери билан орденнинг фарқига бормайдиган ходимлар ишлаб келмоқдами?
“Пискентдаги жамики аёлларимиз, яъни Пискент тумани ёш мактаб ўқувчи қизларидан тортиб ёши катта кекса онахонларимизга ҳам ҳимоя ордени берилиши йўлга қўйилган”, дейди Пискент тумани ички ишлар бўлими, хотин-қизлар масаласи бўйича инспектори Райхон Якубова.
Райхон Якубованинг оммавий ахборот воситасига берган интервьюсида уни ҳимоя ордери ва “орден” сўзларини фарқлай олмаслиги очиқ кўринган. У Пискент туманидаги 27 та маҳалладаги умумий ҳимояга муҳтож бўлган 52 нафар аёлга ҳимоя ордери берилганини фахр билан “ҳимоя ордени берилди”, дея сўзламоқда.
Интервью сўнгида Райхон Якубова ҳимоя ордери беришда 22 нафар аёл билан чекланиб қолмасдан Пискент туманида жамики кекса аёллардан тортиб мактаб ўқувчи қизларигача орден берилиши йўлга қўйилганини айтмоқда. Шунингдек, ИИБ инспектори Пискент туманида ҳимоя ордерига муҳтож аёлларнинг қамрови кенгайишини ижобий ҳодисадек эътироф этмоқда. Ходим талаффузда ҳам “ордер” сўзини “орден” дея бир неча бор такрорлаган.
Ички ишлар тизими ўз ходимларини профессионаллигини ошириш, юридик терминлар маъносини ўргатиш ислоҳотларига муҳтож экани кўринади.
Бу ҳолат яқинда давлат мадҳияси янграганда қўлини қаерга қўйишни билмаган сирдарёлик ҳарбийлардан ҳам ўтиб тушди.
УЗ
