ОБ-ҲАВО: Янги йил арафасида қор — Бугундан Ўзбекистон ҳудудларида қор ёға бошлайди

Янги йил кечаси Ўзбекистон республикасининг аксар қисмида қор ёғиши мумкин, эканини «Ўзгидромет" бош директори эълон қилган эди.

Ўзгидрометнинг янги хабарларига кўра, бугун, 30 декабрдан республикамизнинг айрим ҳудудларида қор ёғишни бошлайди. 

Қорақалпоғистон республикаси, Хоразм вилояти ва тоғли жойларда қор ёғиши мумкин:

30 декабрь куни Тошкентда ёғингарчилик бўлмайди. Шарқдан секундига 3-8 метр тезликда шамол эсади. Кечаси 0-2, кундузи 5-7 даража илиқ бўлади.
Қорақалпоғистон Республикасида айрим жойларда бироз ёғингарчилик (ёмғир, қор) бўлади. Жойларда туман тушиши мумкин. Ғарбдан секундига 7-12 метр тезликда шамол эсади. Шамолнинг тезлиги айрим жойларда секундига 15-20 метргача кучайиши мумкин. Кечаси 5-10 даража совуқ, кундузи 2 даража совуқ, 3 даража илиқ бўлади.  

Хоразм вилоятининг баъзи жойларида бироз ёғингарчилик (ёмғир, қор) бўлади. Жойларда туман тушиши мумкин. Ғарбдан секундига 7-12 метр тезликда шамол эсади. Шамолнинг тезлиги баъзи жойларда секундига 15-20 метргача кучайиши мумкин. Кечаси 3-8 даража совуқ, кундузи 0-5 даража илиқ бўлади.

Бухоро ва Навоий вилоятларида айрим жойларда туман тушиши мумкин. Шарқдан эсаётган шамол ўз йўналишини ўзгартириб, ғарбдан секундига 7-12 метр тезликда эсади. Шамолнинг тезлиги чўл ҳудудларида секундига 15-20 метргача кучайиши мумкин. Кечаси 0-5 даража совуқ, кундузи 3-8 даража илиқ бўлади.    

Тошкент, Самарқанд, Жиззах ва Сирдарё вилоятларида баъзи жойларда туман тушиши мумкин. Шарқдан эсаётган шамол ўз йўналишини ўзгартириб, ғарбдан секундига 7-12 метр тезликда эсади. Кечаси 2 даража совуқ, 3 даража илиқ, кундузи 4-9 даража илиқ бўлади.  

Қашқадарё ва Сурхондарё вилоятларида айрим жойларда туман тушиши мумкин. Шарқдан эсаётган шамол ўз йўналишини ўзгартириб, ғарбдан секундига 7-12 метр тезликда эсади. Кечаси 2 даража совуқ, 3 даража илиқ, кундузи 5-10 даража илиқ бўлади.  

Андижон, Наманган ва Фарғона вилоятларида баъзи жойларда туман тушиши мумкин. Шарқдан секундига 5-10 метр тезликда шамол эсади. Кечаси 1-6 даража совуқ, кундузи 0-5 даража илиқ бўлади.    

Республикамизнинг тоғли ҳудудларида вақти-вақти билан ёғингарчилик (ёмғир, қор) бўлади. Баъзи жойларда туман тушиши мумкин. Шарқдан эсаётган шамол ўз йўналишини ўзгартириб, ғарбдан секундига 7-12  метр тезликда эсади. Кечаси 1-6 даража совуқ, кундузи 0-5 даража илиқ бўлади.