Бугун, 25 август куни Олий судда ҳозирги кунга қадар оқланмаган бир гуруҳ шахсларга оид жиноят ишлари очиқ суд мажлисларида кўриб чиқилади.
Rost24.uz ахборот-таҳлилий сайти томонидан мустақиллигимиз учун курашган, тарихда “босмачилар” номи билан қораланган ватанпарварларимиз номини оқлаш борасида бир нечта материал эълон қилинган эди.
1. “Олий судга эътироз: Нега 30 йилдан буён миллатимиз қаҳрамонларини оқламаяпсиз?”
2. Миллатимиз қаҳрамонлари оқланадими? Rost24.uz кўтарган масалага Олий суд муносабат билдирди
3. “Олий суд Ўзбекистоннинг қатағон ва пахта иши қурбонларини оқламоқчи”
Ушбу материалларда тарихда “босмачилар” номи билан қораланган ватанпарварлар номини оқлаш, уларни миллатимиз қаҳрамони даражасига олиб чиқиш борасида Ўзбекистон Олий судига таклифлар билдирилганди. Бу борада олим, тарих фанлари бўйича фалсафа доктори Баҳром Ирзаев билан босмачи тамғасини олган, аслида миллатпарвар бўлган аждодларимиз номлари ҳали ҳануз оқланмаётгани юзасидан суҳбат уюштирилган эди.
Жумладан,
Босмачилар номини оқлаш, уларнинг қаҳрамонлигини очиқлаш қачон сиёсат даражасига олиб чиқилади?
Ватан учун жон берган миллатдошлар номини поклаш, миллатимизнинг ўз қаддини тиклашига тили ва виждони учун курашишида туртки бўлмайдими?
Бугунги кунда тарихда босмачилар, деб аталган ота-боболаримизга ҳукуматнинг сиёсий муносабати қандай?
30 йилдан буён эътиқодимиз учун курашган аждодларимизни оқлашга бизга нима тўсқинлик қилиб келмоқда, каби саволлар ўртага ташланганди.
УЗ
