ЙПХ ходимлари ДСИ бошлиғи ўринбосарини ўлдириб қўйишгани айтилмоқда

11.06.2021 15:46

Шу йилнинг 10 июнь куни Самарқанд вилояти, Каттақўрғон туман Давлат солиқ инспекцияси бошлиғи ўринбосари Азиз Аҳмедов Йўл ҳаракати хавфсизлиги ходимларининг зўровонлиги туфайли вафот этди, деб хабар тарқатди «Эзгулик» жамиятига таяниб xabar.uz сайти.

Қайд этилишича, ҳолат юзасидан Каттақўрғон тумани прокуратураси томонидан Ўзбекистон Республикаси ЖКнинг 206-моддаси 1-қисми (Мансаб ваколатидан четга чиқиш) билан жиноят иши қўзғатилиб, тергов ҳаракатлари бошланган.

Жиноят иши материалларига кўра, 10 июнь куни тунги соат 00.20 ларда 42 ёшли солиқ ходими Азиз Аҳмедов ўзининг  давлат рақами 30 B 572 PA бўлган Cobalt русумли автомобилида  йўл ҳаракати қоидаларини бузганлиги сабабли навбатчилик қилаётган тўрт нафар инспектор томонидан тўхтатилган.

ЙПХ инспекторлари ўзларининг бошқарувида бўлган давлат рақами 30 Х 577 SA бўлган Spark русумли автомобилининг орқа ўриндиғига солиқ хизматчисининг юз қисмидан босиб, унинг ўзига азоб бермасликларини сўраб бақирганига қарамай, унинг қисқа ва тез ўлимига сабаб бўлишган.

Самарқанд вилояти суд-тиббий экспертизаси хулосасига кўра, солиқ хизматчисининг ўлимига юрак ўлчами ва массасининг кескин ошиши, яъни нафас қайтиши сабаб бўлган. Ўтказилган суд тиббий экспертизаси давомида солиқ инспекцияси раҳбарининг юз ва бўйин қисмлари, тирсак ва бошқа соҳаларда жароҳатдан олинган шилинмалар борлиги аниқланган.

42 яшар Азиз Аҳмедов 11 июнь куни аср намозидан сўнг Каттақўрғон тумани Қўшҳовуз маҳалласида тупроққа қўйилган.

«Мазкур воқеа ички ишлар идораларининг зўровонлик ҳаракатлари давом этаётгани, тизимда назорат тўла издан чиққанини кўрсатмоқда.

Ўзбекистон инсон ҳуқуқлари «Эзгулик» жамияти Қийноқларга қарши миллий превентив механизмлар доирасида Ўзбекистон Республикаси Олий Мажлисининг инсон ҳуқуқлари бўйича вакили, Инсон ҳуқуқлари бўйича республика Миллий маркази раҳбариятини мазкур ҳодисани ўрганишга чақиради», дейилади хабарда.

@rost24_uz_bot — Хабар йўлланг. Сизнинг хоҳишингизга кўра ҳар қандай маълумот сир сақланади
4
Изоҳ қолдириш
Изоҳлар
13.06.2021 13:58
Америка да кора танлиларга дискриминация борлиги маълум полициячи улдириб куйганини курган эдик,Узбекистонда хам давлат ходимлари оддий халкка карши куч ишлатиши ва бошкача назар билан караши кунора эшитилиб коляпти,шу халк солик тулаб бокяптику буларни,хатто носкисини хам халкни чунтагидан кийганини качон тушуниб етади бунакалар....
13.06.2021 13:58
Америка да кора танлиларга дискриминация борлиги маълум полициячи улдириб куйганини курган эдик,Узбекистонда хам давлат ходимлари оддий халкка карши куч ишлатиши ва бошкача назар билан караши кунора эшитилиб коляпти,шу халк солик тулаб бокяптику буларни,хатто носкисини хам халкни чунтагидан кийганини качон тушуниб етади бунакалар....
12.06.2021 02:56
Конуний чора курилсин инсон улди . Камалсин хамаси .
11.06.2021 23:02
бир бирингни гуштингни егин яна булар олий малумотли инсонлар.биздака савотсизлар кишот эканда.
11.06.2021 20:57
Аср намози ҳали ўқилмади-ку?