O`zbekiston Yangi yilni nishonlash uchun eng jozibali mamlakatlar beshligiga kiritildi

11.10.2021 07:56

Polsha nashri reytingida O`zbekiston Shvesiya va Avstriyadan keyin uchinchi o`rinni egallagan.

O`zbekiston yangi yil bayramlarini nishonlash uchun eng jozibali joylar beshligiga kiritildi. Reytingni Polshaning Gazeta.pl nashri tuzgan.

O`zbekiston Shvesiya va Avstriyadan keyin uchinchi o`rinni egallagan. Nashr O`zbekiston Sharqning mashhur durdonasi va Osiyodagi eng mashhur sayyohlik joylaridan biri ekanligini ham qayd etgan.

O`quvchilarga qadimiy Buxoro, Xiva va Samarqand bo`ylab juda boy va o`ziga xos yo`nalish taklif qilingan.

“Yangi yil kechasida Registon maydoniga borish tarixga qo`shilish va kishini Shahrizoda ertaklarida tilda olingan romantik muhitdagi kabi his etish imkonini beradi”, - deyilgan maqolada.

Sayyohlarga Toshkentga ham tashrif buyurish tavsiya qilingan. Nashr poytaxtda o`z milliy xususiyatlarini saqlab qolgan Markaziy Osiyodagi eng katta bozor – Chorsu joylashganiga e`tibor qaratgan. Yana bir diqqatga sazovor joy sifatida zamonaviy Mustaqillik maydoni ko`rsatilgan.

@rost24_uz_bot — Хабар йўлланг. Сизнинг хоҳишингизга кўра ҳар қандай маълумот сир сақланади
1
Изоҳ қолдириш
Изоҳлар
11.10.2021 15:19
Ular dasturxon xarajatlarini o'zlarining daromadlari bilan o'lchashgan bo'lishsa kerak