Korrupsiyada ayblangani aytilayotgan sud raisi yo`qolib qoldi. Matbuot kotiblari esa jim

26.07.2021 12:28

Savollar aniq, lekin Davlatning huquqni muhofaza qiluvchi organlari buni sir saqlamoqda. Matbuot kotiblarining harakatlari esa jurnalistlarda yanada shubhali holatlar uyg`otishga sabab bo`ldi.

Rost24.uz sayti ishonchli manbasining ma`lumot berishicha, Jizzax viloyatidagi tuman sudlaridan birining sobiq raisi qidiruvga berilgan. Shaxsning qidiruvga berilgani unga nisbatan jinoyat ishi qo`zg`atilganini bildiradi.

Sobiq sud raisiga korrupsion holat bo`yicha jinoyat ishi ochilgan bo`lishi mumkin. Ammo bu ma`lumotni rasmiy ravishda huquqni muhofaza qilish organlaridan aniqlashning imkoni bo`lmayapti.

Rost24.uz sayti muxbiri ma`lumotlarni aniqlashtirish maqsadida Sudyalar oliy kengashi matbuot kotibi Tursunali Akbarov bilan bog`landi. Sud tizimi va sudyalar faoliyatidagi kamchiliklarni ayamay tanqid qilishi bilan tilgan tushgan, ammo Kengash matbuot xizmatiga o`tganidan keyin buning aksini qilayotgan T.Akbarovning javobi quyidagicha bo`ldi: 

“Siz aytayotgan tuman sudining sobiq raisi faoliyatidagi jiddiy kamchiliklari uchun bir necha oy avval vazifasidan ozod etilgan. Unga nisbatan jinoyat ishi qo`zg`atilgan-qo`zg`atilmagani haqida ma`lumotga ega emasman”.

Bosh prokuratura matbuot xizmati rahbari Hayot Shamsutdinov esa Rost24.uz ning bir necha bor yuborgan so`rovini hozircha ochiq qoldirdi.

Shubhalar esa ortib bormoqda.

@rost24_uz_bot — Хабар йўлланг. Сизнинг хоҳишингизга кўра ҳар қандай маълумот сир сақланади
9
Изоҳ қолдириш
Изоҳлар
26.07.2021 16:12
Судяларнинг кўпи шундайлар.....
26.07.2021 14:32
Факат туманники эканми?