Ommaviy axborot vositalarida odamlarning gaz, elektr, suv ta`minoti bo`yicha norozi ekanligi haqidagi materiallar ko`payib bormoqda.
Ba`zi internet nashrlari gaz ta`minoti masalasini ko`p ko`targanligi sababli Axborot va ommaviy kommunikasiya agentligi tomonidan “dakki” ham eshitdi va noxolislikda ayblandi. Ammo, buni qarangki, iste`molchilar huquqlarini himoya qilish jamiyatlari federasiyasi o`tkazgan so`rovnomada ham gaz, elektr va suv ta`minoti aholi norozi bo`lgan sohalar qatorida kelmoqda.
Federasiya so`rovnomasiga ko`ra iste`molchilarning huquqlari quyidagi sohalarda ko`proq buzilgan:
Savdo sohasi – 1109 ta murojaat (38,4%)
Gaz ta`minoti – 357 ta (12,4%)
Elektr ta`minoti – 338 ta (11,7%)
Suv ta`minoti – 145 ta (5%)
Kommunal xizmat – 109 ta (3,8%)
Sog`liqni saqlash – 31 ta (1,1%)
Xizmat ko`rsatish (servis) – 247 ta (8,5%)
Transport sohasi – 113 ta (3,9%)
Aloqa (va internet) sohasi – 117 ta (4%)
Boshqa sohalar – 323 ta (11,2%)
УЗ
